-- ADVERTISEMENT --
Maskin nga haeos adlaw-adlaw hay nagapatigayon it checkpoint ro Kalibo Municipal Police Station, maabo gihapon sandang naaprehend nga naga-eabag sa batas trapiko.
Suno kay PLt.Col. Ricky Bontogon, hepe it Kalibo PNP Station nga nagapadayon ro andang checkpoint ag ro pagsita sa mga motorista nga naga-eabag sa ordinansa it banwa ag sa mismong batas trapiko.
Pila sa mga nadakpan nanda hay ro mga motorista nga nagamaneho nga uwa it helmet samtang ro iba hay bukon it tamang klase it helmet ro ginasuksok.
Apela nana sa mga motorista nga magsunod sa ginaimplementar nga batas trapiko ag mga ordinansa agud nga inde mataw-an it penalidad nga ikasakit pa it andang ueo.
