KALIBO, Aklan — Tingub nga nag apela makaron ro mga rehistradong tribu ag grupo nga magapasakop sa 2025 Kalibo Sadsad Ati-Atihan contest sa Kalibo Ati-Atihan Festival Board (KAFEB) para sa temprano nga pagpaguwa it andang subsidiya.
Sa sueat nga ginpadaea kay Kalibo Mayor Juris Sucro, ginrason it mga contingents halin sa Kalibo, Ibajay, Lezo, Numancia, Malinao ag Makato nga mabahoe nga bulig kanda ro temprano nga pag-release sa andang subsidy agud nga makaangkon it maeawig nga tiempo nga makapili ag makabakae it mga manami nga klase it mga materyales ag accessories para sa andang mga napili nga design sa andang costume.
Nasayuran nga ro Ati-Atihan Festival hay nakataeana makaron sa Enero 18, 2025.
Ginaproponer nga ro subsidiya para sa Tribal Big hay P130,000; P100,000 mat’a para sa Tribal Small; P70,000 para sa Balik Ati; P100,000 para sa Modern Tribal Big ag P75,000 para sa Modern Tribal Small.
Sa nagtaliwan nga daywang dag-on, gintunga sa daywa it LGU-Kalibo ag KAFEB ro pag-release it Ati-Atihan subsidiy, nga ro una hay kada oktubre ay ro ikaywa hay kada buean it Disyembre. via Aklan Forum
