KALIBO, Aklan–Mas pang nadugangan ro problema it mga tricycle driver kasunod it ginaeauman nga uman nga pagsipa sa presyo it produktong petrolyo, hin-aga adlaw it Martes.
Suno kay KAPETODA President Antonio Nama, dapat nga ro gobyerno ro maghimo it ideya kung paano mapanaba ro presyo it petrolyo.
Kinahang-ean sigon nga makabaeay eon it insigida nga solusyon agud nga mapunggan ro mas grabe nga epekto ag kalugian sa pilang ka mga sektor eabi eon sa transportasyon.
Ro mas makaeueu-oy sigon hay ro mga driver nga naga-boundary eamang bangud nga ro sangkiri nanda nga ginakita sa sueod it sang adlaw nga pagbiyahe hay ginatunga pa nanda it operator.
Indi man sigon sanda pwedeng basta eon lang magpasaka it pamasahe bangud maabu ro pwedeng maapektuhan partikular ro mga ordinaryong sumaeakay.
Nasayuran nga owa pa nakaabot sa alima it mga tricycle driver ro ginatanyag nga fuel subsidy it gobyerno para mabawasan ro epekto it sigidas nga oil price hike.
