-- ADVERTISEMENT --
KALIBO, Aklan—Nabatun eun it pilang ka mga tricycle driver’s sa banwa it Kalibo ro ayuda nga food packs maghalin sa Department of Social Welfare and Development ukon DSWD.
Suno kay Federation of Kalibo Tricycle Operators and Drivers Association Inc. ukon FOKTODAI President Johnny Damian nga ginkalipay it mga tricycle driver’s ro andang nabatun nga ayuda nga food packs nga nakasueod sa cartoon nga nakasilyo ag may pangaean it DSWD.
May sueod sigon raya nga limang kilo nga bugas, 4 corned beef, 4 century tuna, sardinas ag energen.
-- ADVERTISEMENT --
Ginatantiya nga naga-abot sa 500 hasta 1000 pesos ro balor it nasambitan nga ayuda.
Agud nga maka-avail hay dapat nga magpalista ro mga driver nga nagabiyahe ag dapat hay may prangkisa.
