KALIBO, Aklan—Nagbawas eon it kapin sa limang piso ro sukot sa pamasahe it mga tricycle nga nagabiyahe sa mga barangay sa banwa it Kalibo.
Raya ro ginpahayag ni Johnny Damian, Presidente it Federation of Kalibo Tricycle Operators and Drivers Association Inc. ukon FOKTODAI.
Suno kana nga ginmandu it sangguniang bayan it kalibo nga magpatuman it pagbawas sa panueuktan it pamasahe matapos nga ginpasugtan eon it provincial inter-agency task force ro ap-at nga pasahero sa kada tricycle.
Gindugang pa ni Damian nga maskin nga nagapabilin nga mataas ro presyo it gasolina , apang tiempo eon man agud nga panabaan ro pamasahe sa tricycle sandig sa hinyu it mga commuters.
Madumduman nga nag-obra it kaugalingon nga taripa ro mga nagabiyaheng tricycle sa banwa it kalibo bangud sa sangkiri nga pasahero tuga it mga limitasyon sa hueag it mga tawo sa pagpanaeasa it covid 19 pandemic.
Samtang, ginsuhestiyon nana nga kinahangean nga mapukaw ro atensyon it presidente it asosasyon it mga tricycle nga nagabiyahe sa barangay poblacion bangud nga nagapabilin nga 15 pesos ro andang ginasukot nga pamasahe.
