Kalibo Aklan ———-Nagapabilin nga bawae sa tunga it highway ro mga tricycles .
Raya ro ginklaru ni P/Executive Master Sergeant Anthony Guerrero, team leader it Provincial Highway Patrol Group.
Bangud nga maabu pa nga mga motoristang pasaway sa karsadahon, ginpasiguro ni P/Executive Master Sergeant Guerrero nga hugut nanda nga iga-monitor ro mga karsadahon agud nga masiguro ro kaeowasan it publiko .
Sa makaron hay puro pagsaway pa eamang sigon ro andang ginahimo sa mga nadakpan nga slow-moving vehicles kapareho it mga tricycle, motorsiklo, electric bik ag bisikleta nga owa nagapabinit sa outer ukon shoulder lanes kon naga-agi sa mga national highway.
Raya hay bilang pagsunod sa Republic Act 4136 ukon Land Transportation and Traffic Code ag Department of the Interior and Local Government memorandum circular 2017-01.
Kaeabanan suno kana nga four-lane eon ro mga karsadahon sa probinsiya kun sa siin ro major lane hay para sa mga fast-moving vehicles ag ro outer lane hay para sa slow-moving vehicles.
Sa pihak nga parte, ginpadumdum man nana sa mga motorcycle riders nga magsuksok it required nga helmet eabi eon ro mga full-face helmet.
Todo bantay man sigon sanda makaron nga nag umpisa eon ro ber-months.
Aktibo man suno kana sanda sa andang Barangayanihan kada buean sa pagbulig sa mga drivers ag mga motorista makaron nga tiempo nga may pandemya .
Samtang, nasayuran nga si Guerrero hay naghalin sa Regional Office it HPG sa Camp Delgado antes nga na-assign sa Aklan.
