Nagaeaum ro mga tumueo-o nga makit-an maskin sa madaling oras si Pope Francis makaron nga Palm Sunday sa pag-umpisa it mga liturhikong selebrasyon it Holy Week makaron nga dag-on.
Suno kay Bombo International News Correspondent Girlie Ongoco it Rome, Italy maskin nga bukon it imaw ro magapanguna sa misa ag ginpasa ro responsibilidad para sa Palm Sunday kay Cardinal Leonardo Sandri hay ginapangamuyo gihapon nanda nga makit-an ro presensya it Santo Papa.
Ginkumpirma man suno kana it Vatican nga inde pagpangunahan ni Pope Francis ro mga nasambit nga selebrasyon apang posible gihapon ro mga madaliang pagpakita it Santo Papa, kaparehas it anang naging pagbisita sa Jubilee of the Sick.
Dugang pa ni Ongoco nga padayon nga nagamayad ro kondisyon it 88 year old Pontiff kaibahan eon kara ro pagmayad it anang muscular ag respiratory systems kon sa siin nagataeana imaw it mas mahabang oras nga uwa it paggamit it oxygen.
Nasayuran nga sa limitadong papel makaron nga Holy Week, nakit-an si Pope Francis sa Casa Santa Marta nga nakapungko sa wheelchair ag bumisita sa basilika agud magpangamuyo sa eobnganan it mga naunang Santo Papa, partikular kay Pope Pius X ag nakipagpueong man imaw sa pilang opisyal it Curia ag mga lider halin sa Inglatera nga nagpakita it anang uman nga pagbalik sa mas aktibong pakikihalubilo sa publiko.
