-- ADVERTISEMENT --
KALIBO, Aklan — Nagpaandam ro mga pulis sa mga turista ag residente sa modus it sangka nagpakilaeang Chinese sa isla it Boracay.
Suno sa Boracay Tourist Assistance Center (BTAC), modus it estranghero nga eumapit sa mga turista ukon residente ag magpakitluoy nga owa eon it kwarta nga pambakae it ticket pabalik sa andang nasyun.
Kadunghan kara ro pagtanyag it pila sa anang mga gadgets kapareho it laptop ag Iphone nga sa ulihi hay matukiban nga peke ag
depektibo.
Gina sugid nga pilang turista eon ro nabiktima ag nagreklamo sa police station.
Suno sa mga kapulisan nga posibling magtaas pa ro numero it mga estrangherong mabiktima it pagpangloko sa isla sa makaron nga naga hilapit eon ro Paskwa.
-- ADVERTISEMENT --
