KALIBO, Aklan — Uman nga nagpadumdum si Assistant Secretary Epimaco Densing III it Department of Interior and Local Government (DILG) sa mga turista ag residente nga likawan ro pagpaligos sa Bulabog beach sa likod nga porsyon it isla it Boracay.
Sa interview it Bombo Radyo Kalibo, gin pahayag ni Asec. Densing nga bawae sigon ro pagpaligos sa nasambitang lugar bangud sa peligroso nga fecal coliform sa tubi kara.
Gin pamilit ni Densing nga base sa gin patigayun nga eksaminasyun it mga eksperto, may halong higku it tawo ro tubi sa Bulabog beach nga maka-paeain sa ikamayad nga eawas.
Pilang peligro sigon nga mabo-oe sa pagpaligos sa lugar hay pagkaangkon it sakit sa panit, typhoid fever, hepatitis A, cholera ag diarrhea.
Nasayuran nga sa Bulabog beach masaming gina himo ro kaabuan sa mga water sports activities kapareho itkite surfing bangud sa medyu may kabaskugon ro hangin sa lugar.
