KALIBO, AKLAN — Mas pang gin hugtan it pamunuan it Kalibo International Airport (KIA) ro andang seguridad kasunod it pagbuhos it mga turista sa isla it Boracay makaron nga summer season.
Suno kay KIA manager Efren Nagrama nga matapos ro Semana Santa, amat-amat eon nandang nabatyagan ro paggutok it mga pasahero nga kaabuan hay paagto isla para sa dag-unang beach party nga LaBoracay kada ulihing dominggo it Abril hasta Mayo 1, Labor Day.
Samtang, gin pahayag it Department of Tourism (DoT) Boracay nga kasado eon ro andang preparasyun para sa sangka mabahoe nga event sa Boracay kada summer.
Suno kay DoT-Boracay officer in charge Kristoffer Leo Vellete nga mabudlay eon ro pagbo-oe it mga hotel rooms bangud kaabuan sa mga hotels ag resorts sa isla hay fully booked eon eabi eon sa beach front.
