KALIBO, Aklan—Ginaduso makaron it lokal nga gobyerno it Malay nga magdihon it sangka resolusyon nga ideklarang “persona non grata” ro mga indibidwal nga naga-pameke it andang Reverse Transcription-Polymerase Chain Reaction ukon RT-PCR test result para eamang makaeusot sa strikto ag hugot nga pagbantay sa entrance pasueod sa isla it Boracay.
Raya hay matapos nga naga-abot eon sa 30 ro mga turistang nadakpan it mga otoridad nga nagpameke it dokumento.
Ro pinakaulihi kara hay ro tatlong turitsa nga nadakpan ko Enero 28 kung siin kaabuan sa mga nasambitang turista hay nakasueod eon sa Boracay antes matukiban nga peke ro andang swab tests.
Maka-alarma ag delikado sigon raya sa mga staff ag guests it mga hotels ag resorts eabi eon ag pila sa mga turistang nadakpan hay nagpositibo sa deadly virus.
