KALIBO, Aklan — Bukon eon it interesadong bumalik sa pagpanguma ro mga katutubo eabi eon ro ulihing henerasyon sa isla it Boracay.
Suno kay Lourdes Tambu-on, sambilog sa mga miyembro ag unga it chieftain it Boracay Ati Tribal Organization (BATO) nga posibleng ro andang mga magueang nga miyembro eon lang ro gustong bumalik sa pagpanguma.
Kaabuan sigon sa andang mga kaibahan hay nagatrabaho sa mga hotels ag resorts bilang tagalimpiyo ag taga eaba kat owa pa gina patuman ro Boracay closure ku Abril 26.
Sa pihak kara, paga estoryahan pa sigon it andang tribu ro mga madason nga tikang engkasong ipatuman ro plano ni Pangueong Rodrigo Duterte nga ipaidaeum sa land reform rp mabahoe nga parte it eugta sa Boracay kun saan siin ro magiging benepisyaryo.
