KALIBO, Aklan—Importante nga mabakunahan ro mga unga nga naga-edad 5 hasta 11 anyos.
Suno kay Bombo International Correspondent Denmark Suede ag sangka nurse sa Sydney, Australia nga apisar nga ginastriktuhan ro hueag it mga pamatan-on makarun hay kinahangean sa gihapon sandang maturukan it covid-19 vaccine.
Raya hay bangud nga posible sa gihapon nga magdaea it virus sa sueod it sangka panimaeay ro mga miyembro it andang pamilya nga hilway nga makaguwa.
Ginklaro pa kara nga euwas ag owa it dapat nga ikahadlok ro publiko sa ginaturok nga bakuna para sa mga unga.
Kapareho eamang it Pfizer vaccine, nga imaw eamang ro ginapasugtan sa Australia nga iturok sa mga unga hay ginbuhinan it kapin sa 20 microgram ro dosage para sa mga menor de edad.
Nasayuran nga ro bakuna para sa mga adult hay may dosage nga 30 microgram samtang ro para sa mga unga hay may una eamang nga 10 microgram.
Bangud kara, anang gina-engganyo ro mga ginikanan nga pabakunahan ro andang mga unga kontra covid-19.
Ginpunto pa kara nga mas makamaeatay ro covid infection kumara sa covid-19 vaccine.
