Mga unga gihapon ro pangunang nabibiktima it paeupok pilang adlaw ro pagsug-aeaw sa Bag-ong Dag-on base sa pinakabag-ong datos nga ginpaguwa it Department of Health.
Suno sa ahensya, sumaka eun sa 69 nga kaso it firecracker-related injuries ro nailista it andang ahensya halin Disyembre 22.
Una sa 58 nga kaso kara hay puro mga unga nga may edad 19 panaba.
Kaibahan sa biktima hay sangka unga nga babae nga naninahan ro alima ag naeukpan ro tudlo matapos nga naeukpan it 5-star nga paeupok.
Una eun nga ginsaka it Department of Health ro code white alert halin ku Disyembre 21 nga buot hambaeon hay haom ro mga ospital sa mga mabiktima it paeupok makaron nga holiday.
Nagapahaom eun man ro mga ospital it mga kagamitan nga ruyon ro gamiton sa pagresponde sa nasambit nga kaso.
Ginakaibahanan raya it surgical gloves, sutures, saws, ag bone cutters.
