KALIBO, Aklan–Mabahoe nga bulig sa mga driver ag motorista ro masobra tatlong piso nga rollback sa kada litro it diesel.
Suno sa van driver nga si Fritz Cabal nga kabay nga magdire-diretso eon ro pagnaba it presyo it langis para makabawi man sanda sa andang kita.
Suno kana, bukon pa it bastante ro tatlong piso nga bawas sa presyo it diesel bangud masyado gihapon raya nga maeayo kung igakumpara sa dating presyo.
Aminado si Cabal nga kaabuan sa anang kaibahan nga driver ro padayun nga naga-aray sa kamahae it presyo it langis.
Sa makaron, naga-abot eon sigon sa P1,700 ro andang nagagastos para sa round trip it Kalibo-Caticlan halin sa dating P700.
Haeos owa eon sigon sanda it gina-kita ag masami nga lugi pa rason nga nagapanawagan sanda sa gobyerno nga maghimo it aksyon nga mapanaba ro presyo it produktong petrolyo.
