Uwa pa it gindisignar nga lugar ro lokal nga gobyerno it Kalibo nga pwedeng mabutangan sa mga vendors it firecrackers.
Suno kay SFO1 Paulo Vincent Neptuno it Bureau of Fire Protection Estancia sub-station nga uwa pa it ginhambae kon siin ro pwedeng lugar para sa mga gustong magbaligya it firecrackers para sa nagahilapit nga pagsug-aeaw it bag-ong dag-on.
Sa makaron suno kana hay uwa pa man it vendors nga naka-apply sa andang taeatapan.
Sa pihak kara, uman nga ginpadumdom ni Neptuno ro publiko nga siguraduhon ro kaeowasan it bilog nga miyembro it pamilya.
Maging responsable sa paggamit it mga christmas lights ag iba pang dekorasyon nga may elektrisidad.
Raya suno kana ro ginatunaan it insidente it sunog kon sa mga makaraya nga tyempo bangud sa napabay-an it sang gabie nga nagahayag ro christmas lights nga nagiging rason it pagka overheat kara.
Likawan ro anuman nga insidente partikular ro sunog para maging matawhay ag maayos ro pagselebrar it kapaskwahan ag bag-ong dag-on.
