Posible nga ma-relocate eon ro mga vendors it kalibo public market sa buean it Hulyo.
Raya ro ginpahayag ni Market Supervisor Noe Pador.
Suno kana nga haeos patapos eon ro pagbutang it roofings sa mga gin construct nga temporary nga mga stalls sa andang pagasayluhan sa kalibo eastern side terminal sa san Lorenzo drive, barangay andagao ag magabutang pa it dugang mga stalls depende sa numero it mga gustong mag-relocate.
Ginadalian eon man sigon it Municipal Economic Enterprise Development Office ukon MEEDO ro pagrelocate kanda agud nga maumpisahan eon ro construction it modernize nga tindahan.
Sa pihak nga parte, ginpahayag ni pador nga sa makaron hay nagtaas ro mga negosyante it tindahan nga nag-renew it andang business license nga nag-abot eon sa 55%.
May ibang negosyante sigon nga bukon it interesado nga magbaligya sa gintaeana nga relocation site kapareho it bugasan bangud sa mapiot nga pwesto.
Apela nana sa mga stall owners nga bayaran eon ro andang mga obligasyon sa munisipyo agud nga malikawan ro penalidad.
Gina-alegar nga pila sa mga miyembro it Kalibo Public Market United Stall Owners and Vendors Association hay bukon it pabor sa gintaeana kanda nga relocation it LGU-Kalibo.
