KALIBO, Aklan – – – Gin pasiguro ni Department of Environment and Natural Resources (DENR) Sec. Roy Cimatu nga indi pagpaeagpason ro mga natumod nga violators sa isla ng Boracay nga sa listahan it andang ahensiya.
Suno kay Cimatu, kinahangeang magpakita ro mga raya it naga kaigong dokumento nga nagapamatuod nga legal ro andang gina hamtangan kamana man nga owa it gina eabag nga kasuguan para sa palibot.
Hugot sigon nga igapatuman ro 15 days to comply.
Engkasong mapaseawan, ro adjudication board it DENR ro maga desisyon ag iga patuman sandig sa kasuguan.
Kahapon hay personal nga nagpadueong si Cimatu sa isla kun siin gin ibhan kara ro 120 nga tawuhan it DENR nga naghalin sa 12 DENR Regional Offices kun siin raya ro naga bilog sa gin bansagang Save Boracay Mission it ahensiya nga magabulig sa rehabilitasyon ag pagpreserba sa Boracay.
Magiging katuwang man it task force ro Philippine National Police ag Armed Forces of the Philippines.
Nasayuran nga sa pinakaulihing data it DENR, naga abot eon sa 153 ro show cause orders nga naiserbe sa mga violators sa kabilogan nga 842 illegal occupants sa forest lands.
