National News———Nakahaom eon si Pangueong Rodrigo Duterte nga buksan ro ekonomiya basta’t umabot sa 20 milyon hasta it 40 milyon doses ro naka-stock nga bakuna kontra sa COVID-19.
Ginhimo it Presidente ro pahayag matapos nga nag-abot eon sa nasyon ro bakuna nga donasyon it China kon sa siin nag-arangkada eon man ro pagturok kara sa frontliners.
Suno kana, indi kinahang-ean nga umabot sa 110 milyon ro bakuna.
Eugmok eon sigon ro ekonomiya rason nga dapat dasigan eon ro pagpabakuna.
Ginpahayag dugang ni Pangueong Duterte nga sang milyong doses it bakuna ro ginaeauman makaron nga buean ag kinahang-ean nga makaangkon it 2 milyon doses para maibutang sa Modified General Community Quarantine ro Metro Manila.
Apang, kon makaangkon sigon it maabong bakuna hay pagapabuksan tanan it Presidente ro mga negosyo.
