KALIBO, Aklan—Haum ro Municipal Health Office ukon MHO-Kalibo sa “worst case scenario” sa tunga it panibag-ong surge it COVID-19 nga ginapatihan nga tuga it mas makataeapon nga Omicron variant.
Suno kay Dr. Jocelyn Garcia it MHO-Kalibo nga bangud nga nakasueod eon ro Omicron sa nasyon bukon it maeayo nga maka-abot man raya sa probinsiya.
Umpisa nga mabalitaan sigon nanda ro nasambit nga variant hay nagplastar eon sanda it nagakaigo nga preparasyon eabi pa ag nagahueat makaron ro LGU-kalibo it approval halin sa national inter-agency task force sa mga ginpahaum nga mga aktibidad.
Ginpahayag pa ni Dr Garcia nga haum eon ro andang daywang ligtas covid center ukon LCC engkaso nga uman nga magtaas ro kaso it deadly virus.
Sa makaron hay nakalista sanda it 24 nga bag-ong aktibong kaso sa banwa it Kalibo
Kadungan kara, nag-apela imaw sa publiko nga doblehon makaron ro pagdahan pinaagi sa pagtinir sa baeay kon owa it importanteng paeanawon, ipatuman ro minimum health standards ag mag self-isolate kon makabatyag it mga sintomas.
