KALIBO, Aklan—Nakalista ro Municipal Health Office (MHO)-Kalibo it masobra sang libo katawo nga nagpabakuna kahapon nga adlaw it Martes kung siin masobra 800 kara ro nagbaton it 1st dose.
Suno kay Hernan Lorenz Laserna, Nurse II it MHO-Kalibo, posible nga mabahoe ro naging epekto it ginbuhian nga pahayag ni Pangueong Rodrigo Duterte ko nagtaliwan nga adlaw nga ibawae ro pagguwa it mga unvaccinated rason nga na-engganyo ro publiko nga magpaturok it bakuna.
Umpisa suno kana nga nakalista it pagtaas sa kaso it COVID-19 ko nagtaliwan nga dominggo hay sigidas eon ro pagbuhos it mga tawo sa vaccination site.
May tatlong adlaw sigon sandang schedule it pagbakuna kada dominggo apang posible pa rayang madugangan agud nga ma-akomodar ro tanan nga gustong magpabakuna.
Sa makaron, ro banwa it Kalibo hay may kabilugan nga 102 aktibong kaso it deadly virus.
