KALIBO, Aklan—Nagaeauman ro Municipal Health office (MHO)-Libacao nga indi eon makaangkon it anumang sintomas sa sueod it 14 diyas nga quarantine period ro lima pa nandang aktibong kaso it Coronavirus Disease 2019 ukon COVID-19.
Suno kay Dr. Aldrin Fernandez it MHO-Libacao, engkaso sigon nga magpadayun ro mayad nga kahimtangan it nasambit nga mga pasyante hay pwede eon sandang makabig nga fully recovered.
Malipayon man kara nga ginpakigbahin sa interview it Bombo Radyo Kalibo nga nagnegatibo sa deadly virus ro tanan nga high risk contact it pinakaulihing nagpositibo.
Sa makaron hay nag-abot eon sa waeo ro nailistang kaso it COVID-19 sa Libacao.
Samtang, bumunae eon man sa 239 ro kabilugan nga kaso it sakit sa probinsya it Aklan kung siin 170 kara ro naka-recover samtang 60 ro nagapabilin nga active cases ag siyam ro nailistang namatay.
