KALIBO, Aklan—Temporaryong ginsuspinde ro operasyon it Municipal Health Office it banwa it Numancia umpisa makaron nga adlaw it Miyerkules, Pebrero 3, 2021.
Sa executive order no. 104 nga ginpaguwa ni mayor Jeserel Templonuevo, raya hay matapos nga magguwa nga positibo sa COVID-19 ro sambilog sa andang health worker.
Ginpahayag pa it alkalde nga “until further notice” ro pagsarado sa nasambit nga health center.
Bangud kara, suspendido anay ro anuman nga operasyon it pasilidad.
Ginpasiguro pa it opisyal nga nagapadayun ro hugut nga monitoring ag surveillance sa mga posibleng nakaangkon it contact sa pasyente kamana man ro paglimpyo ag disinfection activities.
Tuyo man kara nga maprotektahan ro mga empleyado ag mga pasyente nga magapa-check-up sa nasambit nga RHU.
Ro personnel hay presenteng nagapaidaeum sa isolation sa ligtas covid center it banwa para sa mandatory nga 14-day quarantine.
