KALIBO, Aklan—Rumatsada it husto ro Miami Heat sa fourth-quarter rason nga nakabawi ag napierde ro Denver Nuggets, sa score nga 111-108, sa Game 2 it NBA Finals kaina.
Suno kay Banga sangguniang bayan member Jocel Rata ag sambilog man nga sports analysts nga nakahimo ro Heat it 17 to 4 nga puntos sa pag-umpisa it final quarter, rason nga nagpanguna sa hampang, apang nahimo nga maka-eagas it Nuggets pinaagi sa 11 to 2 run.
Bangud sa three points it Heat sa nabilin nga kueang-kueang 90 segundos it hampang, naangkon nanda ro kadaeag-an.
Nadepensahan sigon it Heat ro pagkapierde, kat nabaeabagan ni Jimmy Butler ro paghana ni Jamal Murray nga makahimo it three-point nga magadaea kunta sa hampang sa overtime sa final buzzer.
Naging kabos ro tira ni Murray, kun sa siin ro bola hay tumama sa rim.
Ro Game 3 hay pagahiwaton sa balwarte it Miami sa Huwebes nga adlaw.
