-- ADVERTISEMENT --

Ginkansela it Rolling Stones ro andang concert sa Amsterdam matapos nga magpositibo sa COVID-19 ro andang lead singer nga si Mick Jagger.

Sa social media post it legendary band, nagpangayo sanda it pasaylo sa mga nakabakae it tickets kamana man sa mga fans bangud sa owa pagpadayun it andang concert.

Naka-eksperyensya it sintomas it COVID-19 ro 78-anyos nga si Jagger pag-abot kara sa Johan Cruijff Arena sa Amsterdam.

Ginpatigayun ro anunsiyo haeos daywang oras antes ro andang concert bangud nga indi makakanta si Jagger rason nga ginpakamayad nanda nga kanselahon ro concert.