MANILA – Nagpasalig ro Microsoft nga gina-imbestigahan eun nanda ro sangka isyu matapos nga ro pila nga mga kompaniya, eakip eun eo mga kompanya nga nakabase sa Pilipinas, ro nagreport nga ro andang mga operasyon hay apektado sa problema sa serbisyo it Microsoft makaron nga Biyernes.
Nagpaguwa man it sangka pahayag ro Cebu Pacific nga nagapadumdom sa mga pasahero kara nga naka-eksperyensya ro kompanya sa makaron it mga isyu sa teknikal, nag ginreport nga may kaangtanan sa technology provider nga CrowdStrike, nga naging rason it pagpundo it sistema it Microsoft sa bilog nga kalibutan.
Suno sa kompanya, ginatinguhaan nanda nga mapahaganhagan ro mga pagkatub-eag sa andang mga operasyon ag makatao it regular nga mga update samtang nagapadayon ro sitwasyon.
Ro AirAsia hay nagpahayag nga ro andang serbisyo hay apektado man it isyu it Microsoft.
Ginlaygayan man it airline ro mga pasahero nga magbisita sa andang social media platforms ag sa airasia newsroom sa anda nga website para sa mga updates.
Ginpahayag nga apektado man ro ibang mga negosyo sa Pilipinas.
Nasayuran nga outage reporting website downdetector.com hay nagapakita man it pag-abo it mga user nga nagareport sa mga outage sa cloud computing platform it Microsoft nga Azure, ag ro andang office productivity suite 365.
