KALIBO, Aklan — Patay ro sangka midwife it Rural Health Unit matapos masunggaban ag nakaladkad it van sa Brgy. Feleciano, Balete, Aklan.
Ginkilaea ro biktimang si Hebe Salabante, 63, residente it Brgy. Fulgencio, Balete ag midwife it RHU-Balete, samtang ro driver it van hay ginkilaeang si Keith Philip Garcia, 33, tumandok it Davao del Norte ag presenteng naga-istar sa Anilao, Iloilo.
Base sa report it Balete Police Station, nakatueogan sigon ro driver it van samtang ginabaybay ro kahabaon it highway it nasambitang lugar kabangdanan nga nasunggaban ro nagatikang nga biktima sa pathwalk ag nakaladkad pa it saeakyan it kapin sa 15 metros ro kaeayuon.
Gindaea sa Aklan Provincial Hospital ro biktima apang gindeklarang dead on arrival it mga doctor.
Presenteng nakakulong ro driver ag nagapangatubang sa makaron it nagakaigong kaso.
