NATIONAL News — Arestado ro battalion commander ag sub-commander it Moro Islamic Liberation Front (MILF) sa magkaseparado nga operasyon sa Marawi City bangud sa gina-alegar nga illegal nga pagbaligya it armas.
Base sa report, naaresto ro battalion commander sa sangka undercover operation nga ginpatigayon it Philippine National Police – Criminal Investigation and Detection Group (PNP-CIDG) sa Marawi City.
Narekober it mga awtoridad ro mga armas nga gintago sa sueod it sako nga ginbaligya sigon it suspek sa undercover police.
Sa separado nga operasyon sa Marawi City, sambilog pang miyembro it MILF nga may ranggong battalion sub-commander ro naaresto man it CIDG bangud sa pagbaligya it armas.
Narekober sa naarestong suspek ro daywang automatic rifles, daywang pistola, ammunition, ag nagkaeain-eain nga paraphernalia.
Base sa record it PNP, nakadakop eon ro pulisya it 6,000 nga personalidad ag nakarekober it masobra sa 20,000 nga loose firearms sa pag-umpisa it andang kampanya ko Enero kontra sa mga armed groups nga pwedeng gamiton sa nagahilapit nga eleksyon
Ginpahayag man it PNP nga posibleng ibutang sa election areas of concern ro Bangsamoro Autonomous Region nga hugut nga ginamonitor it PNP ag COMELEC.
