Kalibo Aklan ———Dismayado ro militanteng grupo sa atrasado ag may pinilian nga pagtau it fuel subsidy sa mga apektadong sektor kasunod it padayon nga pagtaas sa presyo it mga produktong petrolyo .
Suno kay Kim Sin Tugna, Provincial Coordinator it Bagong Ayansang Makabayan (Bayan-Aklan) nga padayun nga nagakalisod ro mga drivers ag operators bangud nga maabu pa kanda ro owa nakabaton it subsidiya.
Ginkwestiyon man it grupo ro selected nga pagtau it ayuda sa mga mangunguna , kun sa siin prayoridad sa fuel subsidy ro mga corn farmers eamang .
Maabu suno kana nga kinahangenon ro mga rice farmers kapareho it pangbakae it binhi, pesticide, abono ag iba pa.
Ro cash grant suno kana nga ginatau sa rice farmers hay naghalin sa taripa nga ginkaltas it gobyerno sa mga importers it bugas sa idaeum it rice tarrification law.
Gindugang pa ni Tugna nga kon paga-isipon hay band-aid solution eamang ro ginatau it gobyerno ag bukon it long term solution.
Dapat eon suno kana nga ibasura ro oil deregulation law ag suspindihon ro implementasyon it TRAIN law kamana man ro pagbungkag sa oil cartel.
