KALIBO, Aklan — May mga nakalinyadang serye it mga paghueag rogrupong Bagong Alyansang Makabayan ukon Bayan-Aklan agud ipanawagan kay Pangueong Rodrigo Duterte nga bawion ro pagpabor kara sa rekomendasyong ipasara ro Boracay sa sueod it an-um nga buean umpisa sa Abril 26.
Sa interview it Bombo Radyo Kalibo, gin pahayag ni Bayan-Aklan provincial coordinator Kim Sin Tugna nga hinduna, ala-1:00 it hapon kadunghan sa selebrasyon it Araw ng Kagitingan hay magatililipon ro andang grupo kaibahan ro taga-simbahan agbusiness sector agud kundinahon ro total closure sa Boracay ag ro planong pagpatukod it casino sa isla.
Apisar aminadong nag-abuso ro pilang mga negosyante ag nagpabaya ro pilang mga opisyal it gobyerno sa natabong environmental crisis sa Boracay, apang, bukon sigon it makatarungan ro pagpasara kara bangud may domino effect raya sa mga trabahador ag iba pang industriya.
Gin halimbawa kara ro mga job orders sa Aklan Provincial Hospital ag iba pang district hospitals sa probinsiya nga maduea-an it trabaho ag mga pasyenteng naga kinahangean it medical attention.
Nasayuran nga ginagastusan it kita sa Boracay ro mga ospital sa Aklan.
Si Duterte sigon ro naghimo it disaster sa ekonomiya bukon eamang sa probinsiya kundi sa bug-os nga nasyun.
