KALIBO, Aklan — Nagakabaeaka ro Bagong Alyansang Makabayan (Bayan-Aklan) sa posiblidad it pagkaduea it check and balance sa Senado matapos nga puro mga kaalyado it administrasyon ro nagapanguna makaron sa paghueuyapan it boto sa bag-o eamang natapos nga midterm elections .
Suno kay Kim Sin Tugna it Bayan-Aklan nga indi malikawan ro pagduda it publiko nga basi nga maging sunud-sunuran ro anang mga kaalyado sa Mataas nga Kapueongan it Kongreso sa dikta ni Pangueong Rodrigo Duterte partikular sa mga isyung may kaangtanan sa mga kasuguan nga dapat nga maipasa.
Ginbatikos man it militanteng grupo ro Commission on Elections bangud sa mga aberya nga natabu sa vote counting machines (VCMs) ko eleksyon kamana man ro eapnaag nga vote buying .
Dapat sigon nga makaangkon it imbestigasyon ro mga kapalpakan ko nagtaliwan nga eleksyon.
