Ginaeauman nga magataas ro presyo it lokal nga harina bangud sa mas mataas nga presyo it trigo sa bilog nga kalibutan suno sa Philippine Association of Flour Millers Inc. (PAFMIL).
Suno kay Ric Pinca, executive director it PAFMIL, nga ro presyo it trigo hay nagtaas maghalin sa $300 kada metriko tonelada (MT) ku nagtaliwan nga dag-on sa kapin $500MT asta $600MT.
Ro mga presyo it trigo hay nagtaas bangud sa nagapanguna nga rason sa padayon nga giyera sa tunga it Ukraine ag Russia nga nagabilog it 30% asta 40% it mga na-export nga stock it trigo sa kalibutan kaman man ro export ban it India para protektahan ro lokal nga suplay it trigo.
Kamana man ro paghina it piso it Pilipinas kontra sa US dollar, nga tumama eon sa kapin P56:$1, hay posible mang magtuga it pagtaas sa haega it produksyon it harina.
Dugang pa ni Pinca nga tumaas pa ro presyo it Filipino staple pandesal sa P2.50 asta P3.00 kada sambato.
Samtang ginaeauman man kara nga paganabaan it gobyerno ro taripa para sa mga raw materials sa paghimu it tinapay kapareho it harina ag asukal, kamana man ro pagbuhin it value added tax (VAT) para sa liquefied petroleum gas (LPG) para masabat ro sitwasyon.
