KALIBO, Aklan—Matapos ro haeos limang dekada, uman nga nabuoe it Milwaukee Bucks ro kampeonato sa NBA Finals makaron nga dag-on matapos nanda nga pyerdihon ro Phoenix Suns sa Game 6 sa score nga 105-98.
Ulihing nagkampeon ro Bucks kato pang 1971 sa tyempo it basketball legend nga si Kareem Abdul-Jabbar ag Oscar Robertson.
Bangud kara, uman nga nakahimo it kasaysayan ro Bucks.
Ro two-time MVP nga si Giannis Antetokounmpo hay nagpakita it pinakamatindi ag historic peformance kat magbuhos it 50 points, 14 rebounds ag 5 assists.
Suno kay Bombo International Correspondent Cha Reyes it Virginia, USA nga manami ro ginpakita nga performance ni Giannis sa bilog kara nga hampang.
Sa kamatuoran suno kana hay pangaywa paeang si Giannis sa mga player nga nakabuoe it 50 puntos sa NBA finals.
Pila sigon sa mga preparasyon it estado it Milwaukee hay ro pagparada sa mga players ag coaches it koponan sa bilog nga siyudad para taw-an it pagkilaea ro andang kadaeag-an kamana man ro bugae nga daea kara sa estado.
