Ginhambae it Department of Justice (DOJ) nga pagasiguraduhon it gobyerno nga mabayaran ro tanan nga mga residenteng maaapektuhan it oil spill daea it tatlong magkahiwalay nga maritime incidents sa Bataan.
Suno kay Justice Undersecretary Raul Vasquez ko Sabado, Agosto 3, nakapagdesisyon ro gobyerno nga gamiton ro template nga ginamit kara sa pagsabat sa Mindoro oil spill ko 2023 para sa maritime disasters, kaibahan ro pinakaulihing Bataan maritime incidents “to claim damages and establish liabilities.”
Naghimo eon ro DOJ it fact-finding initiative sa pag-eubog it MT Terranova ag MTKR Jason Bradley, ag ro sumadsad nga MV Mirola 1 sa Bataan nga natabo eamang sa nakataliwan nga daywang dominggo.
Samtang, ginhambae ni Vasquez nga gin manduan it DOJ ro National Investigation Bureau nga maghimo it parallel investigation kaibahan ro fact-finding activity nga ginhimo it Department of Environment ag Philippine Coast Guard (PCG).
Ginhambae pa it opisyal nga igasueong man it gobyerno ro institutional claims mag eowas pa sa pagpangayo it individual compensation sa mga mangingisda ag iba pang naapektuhan it oil spill.
Ro ginatukoy hay ro claims it mga ahensya it gobyerno nga rumesponde sa magkasunod nga insidente kaparehas it PCG, Departments of Health, Tourism, Trade and Industry, ag Interior and Local Government.
Suno kay Vasquez nga tanan hay ging ing impon para mag-file ag tipunon ro tanan nga ebidensiya ag tan-awon ro International Oil Pollution Compensation Fund ag babayaran, raya hay kat natabo sa Mindoro,”.
Dugang pa kara nga makaron man ro anda nga ubrahon, nag himo eon sigon it meeting kara, nga fact-finding pa eamang,”
