Kalibo Aklan ———Hugot nga ginapatuman sa Kalibo Public Market ro minimum health protocols sa mga bumaeakae ag stall owners.
Raya ro ginpasiguro ni Market Master Mr. Abel Policarpio sa interview it Bombo Radyo Kalibo.
Suno kana, may gintaeana sanda nga hand washing area, alcohol ag digital thermal scanner sa mismong entrance it tindahan.
May mga personnel man sigon sanda nga nagalibot sa sueod it tindahan para mag-mintina it physical distancing kamana man sa pagsuksok it face mask ag face shield.
Kaeabanan sigon sa mga market goers ag vendors hay nagasunod sa andang ginpatpat nga health and safety protols.
Apang, kung may makita sigon sanda nga naga-eabag hay gilayon nanda rayang gina-sita ag ginapadumduman.
Regular man suno kana ro andnag ginapatigayun nga disinfection ag flashing sa bilog nga bisinidad it tindahan agud masigurado ro kalimpyo.
Angot kara, owa pa sigon sanda it nailistang stall owners nga nagpositibo sa COVID-19 umpisa nga nagpanaeasa ro pandemya.
