POLICE Report — Kritikal sa ospital ro sangka misis matapos nga barilon ag eab-on it anang asawa bangud sa gina-alegar nga joke nga nasamitan kara ro bolitas it andang kumpare sa banwa it Toledo.
Nakilaea ro biktima sa pangaean nga Marcy, 65-anyos, samtang nadakpan man ro suspek nga nakilaea kay Rody, 70-anyos, mangunguma ag parehong residente it Sitio Lower Bagdok, Barangay Sagay it nasambit nga banwa.
Sa imbestigasyon it Toledo Police Station, bandang 7:00 it gabi-i kat natabu ro insidente sa nasambit nga lugar.
Nagatuhaw nga antes ro insidente naga-inuman ro suspek ag anang kumpare nga nagresulta sa sueunlugan ro isyu.
Naghinanage sigon ro kumpare sa suspek nga may bolitas ro anang kinatawo ag nasamitan pa raya it anang misis rason nga ginli-ab nana raya.
Pag-uli it baeay it suspek hay ginhana nana nga makipag-sex sa biktima apang nagpamalibad raya maskin nga magpaharu.
Mas nga nagduda ro suspek rason nga ginkompronta nana ro misis kun nasamitan gid man kara ro bolitas it andang kumpare ag insigidang nagpamalibad si Marcy.
Bangud kara, ginbo-oe it suspek ro anang .38 revolver ag ginbaril ro anang misis nga tinamaan sa tiyan.
Owa pa raya nakuntento ag nagbo-oe it sanduko ag gin-einabu sa nagkaeain-eain nga parte it eawas.
Insigida man nga gindaea sa ospital ro biktima para taw-an it pagbueong samtang nadakpan man ro suspek it mga rumespondeng pulis ag narekober ro baril nga ginamit ag sanduko.
Nagapangatubang makaron sa kasong frustrated parricide ag paglabag sa Comelec gun ban ro suspek.
Sa estasyon it pulisya, gin-aku kara ro krimen bangud sa indi sigon mapugngan nga kaakig sa hinangae it anang kumpare.
