Nauli sa diborsiyo ro pag-iba it sangka mag-asawa sa India matapos magreklamo ro mister nga owa it ibang ginapakaon kana ro anang misis kundi instant noodles.
Ginpahayag ni Principal district judge ML Raghunath, ro nasambit nga isyu hay may kaangtanan sa mga kaso it mag-asawang nagabueag.
Ginpaathag man ni Raghunath ro angot sa “Maggi case”, kun sa siin ginreklamo it eaeaki ro owa it ibang nasayuran nga pagkaon nga ipahaum ro anang misis kundi instant noodles.
Suno sa tagreklamo nga puro noodles sa pamahaw, ilabas ag ihapon.
Nagkasugot sigon ro mag-asawa nga magabueag eon lang.
Gindugang pa ni Raghunath, naga-inabu ro mag-asawang nagadihon it diborsiyo.
Ginpahayag pa nana nga “settling matrimonial disputes is a little difficult.”
May una sigon nga mga bag-ong kasae nga nag-file it divorse sang adlaw pa eang matapos nga kaslon.
Pila sa mga nagdihon it dibosiyo hay makabig nga manabaw ro rason.
May mag-asawa sigon nga nagbueag matapos nga magsueungguran ag owa eon naga-istorya, saea nga pagbutang it puwesto it asin, owa gina-date it asawa ag iba pang rason.
Ginpahayag pa it hukom nga mas maabu ro naga-petisyon para sa diborsiyo sa mag-asawang sa siyudad kaysa sa mga naga istar sa banwa.
