KALIBO, Aklan — Owa napugngan it sangka misis nga ipagowa ro sangka mapagros nga eapsag nga eaeaki sa sueod it ginasakyan karang multicab kat gulping sumakit ro tiyan sa bahin it Brgy. Tambak, New Washington, Aklan.
Ro misis nga nag unga it eapsag sa sueod it saeakyan hay gin kilaeang si Lesanie Saldoa, residente it nasambitang banwa.
Ro eapsag hay gin pangaeanang Niko nga ginsunod sa pangaean it driver nga Kiko.
Suno sa misis, maga pamasyar konta sa banwa it Kalibo kat sumakit ro anang tiyan rason nga dali-dali rayang nagpangayu it bulig sa mga parehong pasahero.
Naalarma ro mga pasahero ag nagbueoligan hasta sa maipagowa ro eapsag.
Kasunod kara, gin padangat it driver ro mag-ina sa Aklan Provincial Hospital ag sa maayos eon nga kahimtangan.
Nangawa man ro misis sa gulpi karang pag unga bangud sa bukon pa nana it schedule.
