BALITANG Espesyal — Sangka mabinuligon nga ina halin sa Texas, U.S.A. ro nakalista it world record matapos imaw nga makapag-donate it pilang libong litro it breastmilk para sa mga premature nga eapsag!
Si Alyse Ogletree, 36 anyos, hay nag-umpisang mag-donate ko 2010 matapos nana nga masayuran ro angot sa pagkinahangean it mga premature babies it breastmilk.
Ro anang donasyon hay naagto sa Mothers’ Milk Bank sa North Texas, kun sa siin ro kada ounce it gatas hay posibleng mapuslan it it tatlong premature nga eapsag.
Mag-eowas kara, nagtau man imaw it gatas sa anang mga amiga ag sa Tiny Treasures Milk Bank.
Sa kabilugan, nakapag-donate si Alyse it masobra sa 2,645.58 liters it breastmilk nga imaw ro naging daean para taw-an imaw it world record title nga “Largest Donation of Breastmilk by an Individual”.
Para kay Alyse, ro donasyon it gatas ro anang pamaagi agud nga makabulig sa pihak it limitadong ikasarang sa pinansiyal.
