POLICE Report — Patay ro sangka 50-anyos nga misis matapos maeumos kat kumueob ro ginasakyan nanda nga banana boat sa dagat sa Brgy. Patar, Bolinao sa Pangasinan.
Suno sa mga otoridad, ro biktima hay residente it San Jose Del Monte, Bulacan.
Nasayuran nga ro biktima kaibahan ro anang mga amiga hay nag arkila it banana boat.
Tanan sigon sanda hay nakasuksok it floating suits kat sumakay sa inarkilang banana boat.
Samtang sa dagat hay gulping ginhampak it mabahoe nga humbak ro andang ginasakyan nga banana boat rason nga raya hay kumueob.
Nahimo sigon it biktimang maka-kapyot sa handle hasta nga nag-abot ro mga rescuer ag nasalbar sanda tanan.
Nakahambae pa sigon ro biktima sa rescuer pati sa mga amiga nana nga nakainom imaw it maabu nga tubi-dagat.
Pagkatapos kara, gulping naduea-an it alintro ro biktima.
Insigidang gindaea sa Rillera Medical Hospital sa Poblacion, Bolinao, Pangasinan ro biktima.
Apang raya hay gindeklarang dead on arrival it nagtatap nga doktor.
