Kalibo Aklan ———-Patay ro sangka Misis samtang naninahan ro anang Mister matapos nga aksidenteng mabungguan it sangka kotse ro ginasakyan nanda nga tricycle bandang alas-6:50 kaina it agahon sa crossing Banga-New Washington sa banwa it Kalibo.
Ro Mister nga si Elpedio Tenazas, 72-anyos, may asawa ag residente it Brgy. Tigayon, Kalibo hay padayun nga ginabueong bangud sa mga naangkon nga lastro sa eawas .
Kaibahan kara ro anang misis nga si Luz Mary Tenazas, 70-anyos nga binawian it anang hueam nga kabuhi sa aksidente.
Nakilaea ro driver it Toyota Wigo nga si Jasper Jorilla, 39-anyos , residente it Quezon Avenue Extension, Kalibo.
Sa inisyal nga imbestigasyon, halin ro tricycle nga ginamaneho ni Gilbert Mationg sa Barangay Tigayon ag paagto kunta sa Toting Reyes St., samtang ro kotse man hay halin sa direksyon it New Washington.
Pag-abot sa lugar, gina-alegar nga sinunggaban it kotse ro tricycle.
Ro insidente hay naboe-an it CCTV camera .
Ro mag-asawa hay insigidang gindaea sa ospital matapos ro insidente.
Sa pihak kara, gindeklaang dead-on-arrival ro Misis bangud sa grabeng nina sa anang ueo.
Padayon man rong imbestigasyon it Kalibo PNP angot sa nasambit nga insidente.
