Mismong adlaw it Paskwa, pilang mga vendors sa merkado ginpili nga magbaligya

Ginpili it pilang ka mga vendors sa Kalibo Public Market nga magbaligya sa merkado apisar nga adlaw it Paskwa.

Suno  sa sangka manugbaligya nga si Josephine Zonio, residente it Libacao  nga natamaan man sigon nga Dominggo ro adlaw it Paskwa rason nga nagdisedir eon lang imaw nga magbaligya.

Eakman pa sigon ro anang pagakitaon makaron nga adlaw sa pilang oras nga pagbaligya sa merkado.

Apang sa pihak kara, pagkatapos na sigon it baligya hay mapamaskwa man imaw ag magasimba.

Samtang, kumpara sa nakaangdan nga punuan nga pwesto   kada tinda hay naging maeaka man ro mga negosyante nga ginpilang magbaligya sa mismong adlaw it Paskwa.