Ginpasugtan eon it Land Transportation Franchising and Regulatory Board (LTFRB) ro standing passengers sa sueod it pilang Public Utility Vehicle (PUV) nga nagabiyahe sa mga lugar sa idaeum it Alert Level 1.
May mga sueundanan nga ginpaguwa ro LTFRB nga naghambae nga ro mga Public Utility Bus ag Modern Public Utility Jeepney Class 2 eamang ro pagapasugtan nga makaangkon it pasaherong nakatindog.
Nagtau man sanda it maximum nga numero it pasaherong nakatindog ag one-person apart ro distansiya.
Tunga kara ro opinyon it mga pasahero.
Medyo may koeba sa gihapon sanda nga posibleng indi eon mapatuman it maayos ro health protocol.
Posible sigon nga sa makarondaya nga sistema hay maging paeag sa pagtaeapnan it COVID-19.
Kat boe-on ro mandatory nga pagsuksok it face mask sa mga open spaces, makaron hay kon amat ka eamang makakita nga owa it face mask nga buot hambaeon nga mas ginapili it kaabuan nga makaangkon it proteksyon kontra sa virus.
Ginpasugtan ro pagtindog sa pilang PUVs agud nga mabuligan ro maabu pang commuters nga nabudlayan gihapon sa pagsakay bangud sa kakueangan pa it pampublikong saeakyan.
Dapat eon siguro nga dugangan ukon buksan ro mga ginsaradong ruta it PUVs para ma-accommodate ro kaabuon it mga commuters.
