Ginaeauman nga mag-abot eon sa Pilipinas si Miss Universe 2021 Harnaaz Sandhu it India anomang oras makaron.
Raya hay sang dominggo antes ro coronation night it Miss Universe Philippines (MUP) 2022 sa Abril 30 sa MOA Arena kung siin special guest ro Indian beauty queen.
Mismong si Architect Richelle Singson-Michael, unga ni Narvacan, Ilocos Sur Mayor Luis “Chavit” Singson, ro nag-anunsyo nga pabalik eon sanda halin India matapos personal nga sueangon ro Miss Universe 2021.
Kaibahan it mag-amang Singson ro mga tawuhan it Miss Universe Organization sakay it anang 12-seater private plane nga Air Beauty One.
Una eon nga napabalita nga makaibahan it 2015 Miss Universe nga si Pia Wurtzbach bilang host sa MUP 2022 coronation sanday Miss Universe 2016 Iris Mittenaere it France ag 2017 Miss Universe Demi-Leigh Tebow it South Africa.
