-- ADVERTISEMENT --

Nagabugtaw adlaw-adlaw nga malipayon ag may kasadya sa tagipusuon si Miss World Aklan 2023 Philiana Hedy Zante.

Raya hay matapos nga ginta-o sigon kana it Ginoo ro mabuhay eon nana nga handom nga makaangkon it korona ag titueo sa mga ginapasakupan nga beauty pagaent.

Ro 21 year old beauty queen hay eubus nga nagapasaeamat sa tanan nga tawo nga nagsuporta kana eabi eon ro anang pamilya, handler ag ro mga nagpati sa anang ikasarang sa kabilugan it kompetisyon.

Sa anang pagpasakop sa pagaentry hay nakaangkon man imaw it pagduda apang ginsuk-ean nana raya ag ginapamtud-an sa anang kaugalingon nga masarangan nana nga makipagkompetensiya sa iba pang kandidata hasta nga imaw ro ginkoronahan.

Si Zante hay tubong banwa it Libacao ag presenteng naga-eskwela sa sangka pribadong eskwelahan sa kursong Bachelor of Science in Tourism Management.

-- ADVERTISEMENT --

Imaw hay ro opisyal nga pambato it Aklan sa Miss World Philippines nga igapatigayon sa buean it Oktobre