Naintercept it iron dome it Israel ro sunod-sunod nga missile attack nga ginbuhian it Houthi rebels maghalin sa nasyon it Yemen.
Suno kay Bombo International Correspondent Genalyn Barone, sangka overseas Filipino worker sa Tel Aviv, Israel nga mag-eowas sa Houthi rebels hay sigidas man ro pag-atake it Hezbollah matapos nga mapatay it Israel Defense Forces ro matag-as nanda nga commander.
Si Nabil Qaouk nga commander it Preventive Security Unit ag miyembro it central council it Hezbollah hay napatay sa ginpatigayon nga raid it Israel sa Chyah area sa Beirut, Lebanon.
Si Qaouk hay masami nga nagatambong sa arena it mga jihad ag maeapit sa mujahideen.
Bangud kara, ginpahayag dugang ni Barone nga sigidas ro pag-inuean it mga missile sa nasyon it Israel apang kaeabanan sa mga raya hay naintercept it iron dome.
Apang, may una gihapon nga natatamaan nga mga establisyimento ag maswerte nga uwa it mga pumueoyo nga nadaeahig bangud sa naging madasig ro andang hueag ag permi nga alerto sa sirena para makapanago pa sa bomb shelter.
Suno pa kay Barone nga sa sueod it siyam nga dag-on nana nga pagtrabaho sa Israel hay naduduea eon ro anang koeba ag kahadlok sa kada may mag-eopad nga missile paadto kanda.
