Missile attack nabaeabagan it Qatar

DOHA, Qatar – Gin-anunsyo it Qatar nga nabaeabagan it andang armadong kusog ro sangka missile attack nga tumama sa andang teritoryo.

Suno sa Ministry of Defense it Qatar, madinaeag-on nga na-intercept it andang air defense system ro missile nga target ro nasyon.

Nauna kara, gin-report nga nabatian sa kabisera it Doha ro pilang mga mabaskog nga pagsabog.

Padayun pang gina-monitor it mga awtoridad ro sitwasyon ag owa pa it ginatau nga dugang nga detalye angot sa ginhalinan it pag-atake ukon posibleng kahalitan.