KALIBO, Aklan — Mabahoe ro pagpati it mga negosyante sa isla it Boracay nga sa pinaagi it gin padaeang mission team ni Department of Environment and Natural Resources (DENR) Secretary Roy Cimatu hay mataw-an it solusyon ro gina pangatubang karang problema sa palibot nga resulta it tourism industry.
Sa interview it Bombo Radyo Kalibo, gin pasiguro ni Philippine Chamber of Commerce and Industry (PCCI) president Elena Brugger nga makikipagbueoligan sanda sa mission team sa pagahiwatong inspeksyon eabi eon sa water quality ukon eowas pa baeang maligos sa baybayon kara, connection it mga establisimento sa sewage system, pag-recover sa forestlands ag wetlands maghalinsa mga illegal occupants, pagpatuman sa 25+5 easement maghalin sa dalampasigan, tamang pagkolekta it basura ag paglimpiyo sa mga daeanon maghalin sa mga illegal structures eabi eon sa frontbeach.
Indi sigon nanda paga kunsintihon ro andang mga miyembro nga makitaan it mga pag eabag.
Samtang, mas pabor sigon sanda nga ipaidaeum ro isla sa state of calamity kaysa sa gina proponer nga state of emergency.
Apang, bukon sigon it solusyon sa problema ro pagpasara sa bug-os nga isla.
