POLICE Report — Arestado ro sangka 48-anyos nga driver matapos sigon kara nga ikulong ro anang asawa ag unga sa sangka container truck sa sueod it tatlong adlaw sa Baseco, Manila.
Suno sa Manila Police District (MPD), nag-away sigon ro mag-asawa bangud sa mabuhay eon nga selosan.
Base sa report it kapulisan, nakilaea ro suspek nga si Alvin Vizcarra.
Ginkulong sigon kara ro anang asawa ag tatlong dag-on nga unga nga babaye sa nakaparadang container truck sa Baseco area.
Ginpaguwa man it suspek ro anang mag-ina ag ginpa-uli sa Bulacan matapos ro tatlong araw kun sa siin nakaangkon it kahigayunan ro ginang nga magsugid sa kapulisan.
Ginpahayag it misis nga antes sanda nga ginkandado sa truck hay pisikal man imaw nga gina-abuso it mister.
Bangud kara, insigida nga gin-aresto ro suspek nga makaron hay nagapangatubang sa daywang counts it serious illegal detention ag pageabag sa idaeum it laye nga nagaprotekta sa mga kababayin-an ag unga halin sa pagpang-abuso.
