KALIBO, Aklan — Naninahan ro sangka 69 anyos nga mister matapos nga eab-on it anang hilong nga misis sa Brgy. Ginictan, Altavas, Aklan.
Nakilaea ro biktima nga nag-angkon it lastro sa ueo ag butkon nga si Espedido Adrigado samtang ro suspek hay si Rosie Adrigado, 69, parehong residente it nasambit nga lugar.
Base sa report, nag-uli si misis nga hilong eon kat makipag-inuman pagkatapos it andang pangadi.
Naabutan nana ro mister nga naga inum-inum man rason nga nangayo si misis it hingayaw.
Samtang, naga-inuman gina-alegar nga nag-abot ro andang apo nga managob eon rason nga ginbakoe it misis, apang gin-inga-an it anang mister ag ginlikaw ro anang apo.
Kat ginpasueod it mister ro anang apo sa andang baeay hay gulpi eamang imaw nga gin-eabu it anang misis.
Sa makaron hay nagapabilin sa provincial hospital ro mister para sa nagakaigo nga pagbueong.
